Defnyddiwch y Trader Support Service i ddatgan nwyddau sy'n symud i Ogledd Iwerddon neu oddi yno
Rhaid i chi roi gwybodaeth i'r tollau pan fyddwch yn symud nwyddau i Ogledd Iwerddon ac oddi yno. Efallai y bydd angen i chi dalu toll.
Gallwch gofrestru i gael cyfrif er mwyn cyflwyno'r datganiadau perthnasol naill ai ar gyfer eich busnes neu ar ran cwsmer.
Byddwch yn cael:
- mynediad at system ar-lein sy'n gadael i chi wneud datganiadau a thalu unrhyw doll
- canllawiau ar sut i ddefnyddio'r system yn y ffordd fwyaf effeithiol
- cymorth i gwsmeriaid
Mae'r gwasanaeth hwn am ddim ac yn addas ar gyfer busnes o unrhyw faint a math sy'n ymwneud â masnach rhwng Prydain Fawr a Gogledd Iwerddon, gan gynnwys manwerthwyr, cludyddion, cludwyr ac asiantau.
Cyn i chi ddechrau
Gwnewch yn siŵr bod eich busnes wedi'ch awdurdodi i gofrestru.
Bydd angen i chi roi eich:
- manylion cyswllt
- manylion busnes gan gynnwys eich rhif EORI - gwnewch gais os nad oes gennych rif EORI
- awdurdodiad tollau os oes gennych un
Os oes rhywun eisoes wedi cofrestru yn eich busnes, bydd angen iddynt anfon gwahoddiad atoch i gofrestru.