Hawlio hepgoriadau toll dramor

Dysgwch sut i hawlio hepgoriad toll dramor fel cymorth gwladwriaethol de minimis i dalu cost toll yr UE sy'n daladwy ar nwyddau ‘mewn perygl’.

Cynnwys y dudalen:

• Cyflwyniad
• Ar gyfer pwy mae'r canllaw hwn?
• Pryd nad yw'r hepgoriad yn gymwys
• Beth yw cyfrifoldeb y fenter?
• Diweddaru eich cyfrif gwasanaethau ar-lein CThEF
• Cwblhau eich hawliad yn y Trader Support Service
• Beth sy'n cyfrif fel cymorth de minimis 

Cyflwyniad

Mae hepgoriad toll dramor yn fath o gymorth de minimis a ddefnyddir i  dalu tollau tramor a godir ar nwyddau ‘mewn perygl’ rydych yn eu symud i Ogledd Iwerddon. Bydd angen i chi wirio a allwch hawlio hepgoriad.

Mae canllawiau'r llywodraeth ar sut i hawlio hepgoriad ar gyfer toll ar nwyddau rydych yn dod â nhw i Ogledd Iwerddon o Brydain Fawr neu o wledydd y tu allan i'r DU a'r UE yn rhoi gwybodaeth am:

• pwy all hawlio'r hepgoriad toll dramor
• lwfansau fesul sector

sut y gallwch hawlio'r hepgoriad toll dramor

Ar gyfer pwy mae'r canllaw hwn?

Mae'r hepgoriad toll dramor ar gyfer symudiadau nwyddau ‘mewn perygl’ wedi'i fwriadu yn bennaf ar gyfer:

• busnesau bach neu ganolig, neu
• y rhai sy'n symud nwyddau i mewn i Ogledd Iwerddon yn achlysurol yn unig 

Gall unrhyw fasnachwr yn y DU sy'n symud nwyddau ‘mewn perygl’ i mewn i Ogledd Iwerddon hawlio'r hepgoriad, gan gynnwys busnesau mawr. Fodd bynnag, gan fod y lwfans hefyd yn cwmpasu cymorth arall (fel rhyddhad treth), mae busnesau mawr yn fwy tebygol o fod wedi'i ddefnyddio i gyd eisoes. 

Pryd nad yw'r hepgoriad yn gymwys  

Nid yw'r hepgoriad yn gymwys pan nad yw toll yr UE yn daladwy; felly, nid yw hawlio hepgoriad toll dramor yn berthnasol, os ydych chi:

• wedi'ch cofrestru ar gyfer Cynllun Marchnad Fewnol y DU (UKIMS) a bod eich nwyddau ‘ddim mewn perygl’
• yn cyflwyno Gwybodaeth am Symudiad yn y Farchnad Fewnol (IMMI) o dan brosesau symlach Fframwaith Windsor ar gyfer Symudiadau'r Farchnad Fewnol 

Beth yw cyfrifoldeb y fenter? 

Mae eich lwfans cymorth gwladwriaethol de minimis yn gymwys i bob rhan o'ch sefydliad sy'n cymryd rhan mewn dod â nwyddau i mewn i Ogledd Iwerddon. Gyda'i gilydd, fe'u gelwir yn “fenter”. Mae angen i chi benodi gweinyddwr menter i reoli'r cyfrif cymorth gwladwriaethol de minimis.

Mae'r lwfans yn cynnwys:

• cymorth gwladwriaethol nad yw'n ymwneud â thollau - dysgwch beth sy'n cyfrif fel cymorth de minimis
• hepgoriad toll dramor
• Pan fo'n berthnasol, gweinyddwyr menter sy'n gyfrifol am:
• roi gwybod am gymorth gwladwriaethol nad yw'n ymwneud â thollau a hawliwyd drwy wasanaethau ar-lein CThEF

Gall mewnforwyr sy'n rhan o'r fenter hawlio hepgoriadau toll dramor ar gyfer nwyddau ‘mewn perygl’ drwy ddatganiadau tollau gan ddefnyddio'r Trader Support Service.

Diweddaru eich cyfrif gwasanaethau ar-lein CThEF

Cyn y gallwch hawlio hepgoriad toll dramor, gwnewch yn siŵr bod eich cyfrif gwasanaethau ar-lein CThEF yn gyfredol gyda:

• eich sector diwydiant
• manylion eich busnes
• manylion unrhyw fusnesau eraill yn eich grŵp TAW

Bydd hefyd angen i chi gofnodi'r holl gymorth de minimis rydych wedi'i hawlio yn ystod y:

• cyfnod treigl 3 blynedd diwethaf
• 3 blynedd dreth ddiwethaf os ydych yn y sector pysgodfeydd a dyframaethu

Os nad oes gennych un eisoes, bydd angen i chi fewngofnodi i wasanaethau ar-lein CThEF  gyda'r canlynol ar gyfer eich busnes:

• rhif EORI
• cyfeiriad e-bost

Mae rhagor o fanylion am y camau hyn ar gael yn sut i Roi gwybod am daliadau a gweld eich lwfans ar gyfer cymorth gwladwriaethol nad yw'n ymwneud â thollau a hawliadau hepgoriad Toll Dramor.

Cwblhau eich hawliad yn y Trader Support Service 

Unwaith y bydd eich cyfrif gwasanaethau ar-lein CThEF yn gyfredol, gallwch hawlio hepgoriad toll dramor mewn:

• datganiad atodol
• datganiad safonol

Bydd angen i chi ychwanegu cod gwybodaeth ychwanegol cenedlaethol ‘NIAID’ at eich datganiad. Gallwch ddod o hyd i restr o godau gwybodaeth ychwanegol cenedlaethol yn Atodiad 4B.

Gwiriwch eich lwfans yn rheolaidd i sicrhau bod eich hawliad yn llwyddiannus. Bydd yr holl dollau a gyfrifir yn cael eu didynnu o'ch lwfans y gellir ei olrhain ar wasanaeth ar-lein CThEF. 

Beth sy'n cyfrif fel cymorth de minimis?

Mae angen i chi wirio gyda'r awdurdod a ddarparodd y cymorth i gadarnhau a yw'n cyfrif fel cymorth de minimis.

Edrychwch ar yr holl gymorth ariannol rydych wedi'i gael a rhowch wybod am unrhyw beth sy'n cyfrif fel cymorth de minimis gan ddefnyddio gwasanaeth digidol CThEF.

Mae'r canlynol yn enghreifftiau o gymorth de minimis:

• grantiau gwladwriaethol
• rhyddhad cyfradd llog
• rhyddhad treth
• credydau treth
• gwarantau neu ddaliadau gwladwriaethol
• darpariaeth y wladwriaeth o nwyddau neu wasanaethau ar delerau ffafriol
• cymorthdaliadau uniongyrchol
• esemptiadau treth
• cyfraddau llog ffafriol
• gwarantau benthyciadau ar delerau arbennig o ffafriol
• caffael tir neu adeiladau naill ai am ddim neu ar delerau ffafriol
• darparu nwyddau a gwasanaethau ar delerau ffafriol
• indemniadau yn erbyn colledion gweithredu
• ad-dalu costau yn achos llwyddiant
• gwarantau gwladwriaethol, boed yn uniongyrchol neu'n anuniongyrchol, i weithrediadau credyd cyfraddau ail-ddisgowntio ffafriol
• cyfraddau disgownt
• gwarantau difidend
• archebu cyhoeddus ffafriol
• lleihau ffioedd neu drethi, neu esemptiad rhagddynt, gan gynnwys dibrisiant carlam a lleihau cyfraniadau cymdeithasol
• gohirio casglu cyfraniadau cyllidol neu gymdeithasol
• cymorth a ariennir gan ardollau arbennig